अपिल मिडिया प्रा. लि.
सूचना विभागमा दर्ता नं. : २४८२/२०७७–०७८
Office: Kathmandu Metropolitan City- 29
Phone: +977 9851107824
Admin: [email protected]
News: [email protected]

मुख्य समाचार

२४ घण्टाभित्र मुख्यमन्त्रीको दाबी पेस गर्न गण्डकी प्रदेश प्रमुखको आहवान


काठमाडौं– गण्डकी प्रदेश प्रमुख सीताकुमारी पौडेलले २४ घण्टाको समय दिएर मुख्यमन्त्री नियुक्तिका लागि आधार पेस गर्न आह्वान गर्नुभएको छ ।

संविधानको धारा १६८(३) अनुसार नियुक्त मुख्यमन्त्री पृथ्वीसुब्बा गुरुङ पदमुक्त भएपछि १६८(५) अनुसार शनिबार दिउँसो ३ बजेसम्म मुख्यमन्त्री नियुक्तिका लागि आधार पेस गर्न पौडेलले प्रदेशसभा सदस्यहरुलाई आह्वान गर्नुभएको छ ।

विपक्षी गठबन्धनको तर्फबाट नेपाली कांग्रेस संसदीय दलका नेता कृष्णचन्द्र नेपाली पोखरेलले मुख्यमन्त्रीमा दाबी पेस गर्ने तयारी गर्नुभएको छ ।

वैशाख २९ गते संविधानको धारा १६८ (३) बमोजिम प्रदेश सभाको सबभन्दा ठूलो दलको संसदीय दलका नेताको हैसियतमा मुख्यमन्त्री नियुक्त हुनुभएका पृथ्वीसुब्बा गुरुङले बिहीबार सदनमा विश्वासको मत माग्नुभएको थियो । ६० सदस्यीय प्रदेश सभामा जम्मा २७ मत पाएपछि उहाँ स्वतः पदमुक्त हुनुभएको छ ।