अपिल मिडिया प्रा. लि.
सूचना विभागमा दर्ता नं. : २४८२/२०७७–०७८
Office: Kathmandu Metropolitan City- 29
Phone: +977 9851107824
Admin: [email protected]
News: [email protected]

मुख्य समाचार

ओली सरकारले नियुक्त गरेका प्रदेश प्रमुख अहिराजका १७ स्मरणीय काम, भीम उपाध्याययले नै गरे प्रशंसा


काठमाडौं– केपी शर्मा ओली सरकारले नियुक्त गरेका प्रदेश २ का प्रदेश प्रमुख राजेशकुमार अहिराजलाई पदमुक्त गर्ने तयारीमा देउवा सरकार छ ।

अहिराजलाई पदमुक्त गर्ने तयारी गरेकोमा ओली सरकारका तीब्र विरोधी पूर्वसचिव भीम उपाध्यायले नै प्रशंसा गरेका छन् ।

पत्रकारिता र राजनीतिमा अलग पहिचान बनाउनुभएका अहिराजलाई निवर्तमान केपी ओली सरकारले २०७७ फागुन ७ गते प्रदेश २ को प्रमुखमा नियुक्त गरेको थियो ।

अहिराज मधेसकै माटोमा जन्मिए, हुर्किए पनि मधेसका नेताहरुका कामकारबाहीबारे भने खरो आलोचना गरिरहनुहुन्थ्यो ।

प्रदेश प्रमुख भएलगत्तै कार्यकक्षमा पृथ्वीनारायण शाहको तस्बिर राख्ने, मन्त्रीको शपथ नेपाली भाषामै गराउने, मन्त्रिपरिषद् समावेशी बनाउन ध्यानाकर्षण गराउनदेखि विधेयकका कमजोरी देखाएर संसदमै फिर्ता पठाउनेलगायत काम गर्नुभएको थियो ।

भीम उपाध्यायको नजरमा अहिराका केही स्मरणीय कार्य

प्रदेश २ का प्रमूख डा राजेश अहिराजले छोटो समयमानै गरेका अनुकरणीय सकरात्मक कार्यहरू-

– आफ्नो कार्यकक्षमा कार्यभार सम्हाल्ने बित्तिकै पृथ्वीनारायण शाहको पूर्ण कदको फोटो टाँसेको,

– मन्त्रीहरुको शपथ ग्रहण अनिवार्य नेपाली भाषामै गराएको,

– मन्त्रीमण्डलमा महिला सहितको समावेशी हुनुपर्छ भनेर प्रदेश सरकारलाई सुझाव दिएको ।

– प्रदेश -२ को सरकार, बजेट र कार्यक्रममा प्रदेश भित्र रहेका पहाडी समुदायलाई स्थान दिन सरकारलाई सुझाव दिएको।

– देशका सीमा स्तम्भ निरीक्षण गर्न सीमा क्षेत्रमै पुगेर,

– विधिसंवत् र देश हितमा नभएका दुई विधेयक लिखित सुझाव सहित संसदमा फिर्ता पठाएको,

– प्रदेश सरकारलाई समावेशी बनाउन लिखित पत्राचार गरेको,

– सडकमा भेटिएका घाईतेको उपचारका लागि आफ्नै सवारी साधन अस्पताल पठाएको,

– जातीय र सामुदायिक अतिवादलाई न्युन गर्दै समभावमा आधारित समाज निर्माणको पहल गरेको,

– शिरमा देश मधेशमा मन राखेर काम गर्न सबैलाई निर्देशन दिएर आफूले पनि गरेको,

– निजी स्वकीय सचिवालय नराखेर राज्यको पैसा जोगाएर र निजामती कर्मचारीमै विश्वास राखेको।

– नागरिकको सुखदुख बुझ्न घरआँगनमै पुगेको, किसानको पीडा बुझ्न खेतमै पुगेर र विद्यार्थीको पीडा बुझ्न विद्यालयमै पुगेको।

– कक्षा -१ मा नियमित अध्यापन गराउन गएर शिक्षण पेशा र शिक्षकको मर्यादा उच्च राख्ने काम गरेको।

– अनाथ र दुखी पीडितलाई आफ्नै तलबबाट पटक पटक राहत वितरण गरेको।

– कार्यालयका करारमा रहेका सहयोगी र चालकलाई आफ्नो तलबबाट रू २०/ २० लाखको जीवनविमा गराईदिएको।

– दलभन्दा माथि उठेर देशका लागि काम गरेको।

– भेट्न आउनेलाई नेपालको झण्डा अङ्कित लोगो लगाइ दिएर पठाउने गरेको।

अन्त्यमा उपाध्यायले टिप्पणी गर्नुभएको छ- ‘काम गर्नेले अधिकार नभए पनि यसरी काम गर्छन् । यसलाई लिडरसिप भनिन्छ ।’