अपिल मिडिया प्रा. लि.
सूचना विभागमा दर्ता नं. : २४८२/२०७७–०७८
Office: Kathmandu Metropolitan City- 29
Phone: +977 9851107824
Admin: [email protected]
News: [email protected]

अर्थ

नयाँ नोट वितरण असोज ४ गतेदेखि


काठमाडौं – दशैंका लागि नेपाल राष्ट्र बैंकले नयाँ नोट वितरण गर्ने भएको छ । राष्ट्र बैंकका कार्यकारी निर्देशक रेवती नेपालले २०७८ असोज ४ देखि बालुवाटार कार्यालय र प्रदेश स्थित प्रादेशिक कार्यालयहरुबाट नयाँ नोट वितरण हुने जानकारी दिनुभयो ।

‘क’ वर्गका बैंकले समेत दशैंका लागि नयाँ नोट वितरण गर्नेछन् । धेरै जसो बैंकमा नयाँ नोट पुगिसकेको नेपालले जानकारी दिनुभयो । केही विकास बैंक र फाइनान्स कम्पनीहरु समेतले नयाँ नोट लगिसकेका छन् ।

प्रत्येक वर्ष दशैंमा नयाँ नोट वितरण गर्दै आएको राष्ट्र बैंकले गत वर्ष कोरोनाका कारण गर्दा बैंकले नयाँ नोट वितरण गरेको थिएन । कोरोना संक्रमण निकै घटेपछि राष्ट्र बैंकले यस वर्ष नयाँ नोट वितरण गर्न लागेको हो ।

कार्यकारी निर्देशक नेपालका अनुसार प्रतिव्यक्ति १८ हजार ५ सय रुपैयाँका दरले नयाँ नोट वितरण गर्ने बताउनु भयो ।