अपिल मिडिया प्रा. लि.
सूचना विभागमा दर्ता नं. : २४८२/२०७७–०७८
Office: Kathmandu Metropolitan City- 29
Phone: +977 9851107824
Admin: [email protected]
News: [email protected]

एमाले १० औं महाधिवेशन

दासढुंगामा मदन आश्रितसँग तस्वीर खिच्दै एमाले महाधिवेशन चितवन तिर (तस्वीरहरू)


चितवन– नेकपा एमालेको १०औं राष्ट्रिय महाधिवेशनमा चितवन जाने क्रममा दासढुंगामा फोटो खिच्नेहरूको भिड लागेको छ ।

नेकपा एमालेका तत्कालीन महासचिव मदन भण्डारी र संगठन प्रमुख जीवराज आश्रितको जीप दुर्घटनामा दासढुंगामा निधन भएको थियो । उक्त स्थानमा निर्माण गरिएको नेताद्वयको शालिकमा सामूहिक तस्वीर, सेल्फी खिच्नेहरूको बिहानदेखि भिड लागेको छ ।

मुग्लिन-नारायणघाट सडक प्रयोग गरेर एमाले महाधिवेशन चितवन जाने एमालेका हरेक गाडिहरू शालिक अगाडि रोकेर आफ्ना प्रिय नेताहरूलाई फूलमाला र खादा लगाइ दिने तथा लगाउदै लाल सलाम गरेर फोटो खिचाउने क्रम जारी छ ।

महाधिवेशनमा जाने कतिपय वृद्धावृद्धहरूले ती शालिक कसको हो भनेर पनि सोधेका थिए । उनीहरूलाई मदन भण्डारी र जीवराज आश्रितको भनेर चिनाएको थियो । जब चिनाएपछि वृद्धावृद्धहरूले पनि श्रद्धापूर्वक तस्वीरहरू खिचाएका थिए ।